Georg Trakl, Skimering

 
Skimering

Behekst fan molkeglêzen skimerskyn
Yn ’t hôf troch hjerstbrún faaie siken glide,
Mei waaksen blik, fikseard op goudener tiden
Fol dreamerij en rêst en reade wyn.

De syklikens slút harren spûkich yn.
De stjerren wite drôfenis ferspriede.
Sjoch hoe’t fol waanidee en klokkelieden
De grizels griis fertoarkje yn trewyn.

Amorfe typen sljurkje mei meneuvels
En fladderje op swartbekrúste paden.
O, trystmeitsjende skaden lâns de gevels.

De rest glûpt fuort troch donk’rjende arkaden
En nachttiids stoarte sy út reade nevels
Fan stjerrewyn, as razende mainaden.

 

Dämmerung

Im Hof, verhext von milchigem Dämmerschein,
Durch Herbstgebräuntes weiche Kranke gleiten.
Ihr wächsern-runder Blick sinnt goldner Zeiten,
Erfüllt von Träumerei und Ruh und Wein.

Ihr Siechentum schließt geisterhaft sich ein.
Die Sterne weiße Traurigkeit verbreiten.
Im Grau, erfüllt von Täuschung und Geläuten,
Sieh, wie die Schrecklichen sich wirr zerstreun.

Formlose Spottgestalten huschen, kauern
Und flattern sie auf schwarz-gekreuzten Pfaden.
O! trauervolle Schatten an den Mauern.

Die andern fliehn durch dunkelnde Arkaden;
Und nächtens stürzen sie aus roten Schauern
Des Sternenwinds, gleich rasenden Mänaden.

 

Ut Gedichte, 1913. Mainaden, froulike figueren út de Grykske mytology, beselskipje de god fan de wyn Dionysos en jouwe harren oer oan drank, wollust en geweld.

Dit berjocht is delset yn Georg Trakl en tagd . Bookmark de permalink.