{"id":12645,"date":"2019-07-14T23:00:25","date_gmt":"2019-07-14T21:00:25","guid":{"rendered":"http:\/\/www.konsenylje.nl\/?p=12645"},"modified":"2021-04-07T19:55:18","modified_gmt":"2021-04-07T17:55:18","slug":"poste-restante-xxv","status":"publish","type":"post","link":"https:\/\/www.konsenylje.nl\/?p=12645","title":{"rendered":"Poste restante XXV"},"content":{"rendered":"

\"\"<\/a><\/p>\n

De opslach by it Bakkersh\u00fbs yn Suw\u00e2ld, \u00b11905\u20131909. Fotokaart, 89\u00d7139 mm. S\u00fbnder fermelding fan in \u00fatjouwer. Poststimpels Harns\u2013Nieuweschans 08-01-1910 en Makkum 08-01-1910. Ferstjoerd oan Oepke Noordmans, Skuzum, troch Frouwke Frederika Margaretha Oosterhuis.<\/p>\n

\"\"<\/a><\/p>\n

Beste Domine
\nDit is het kanaal te Suawoude Ik dank U wel voor de mooie anzigten en wensch ook U een gelukkig en gezegend jaar Komt U spoedig weer eens bij ons Wij zijn allen goed gezond. Na hartelijke groeten ook van Pa Ma Dolf uw liefhebbende Frouw<\/u>ke (ik ben niet kwaad)<\/em><\/p>\n

Fotokaarten binne r\u00f4versguod \u2013 fanwegen harren seldsumens, net per se fanwegen de kwaliteit fan de \u00f4fbylding. It wienen sawol professionals as hobbyisten dy\u2019t fotokaarten makken, en de risseltaten binne navenant: wat keazen st\u00e2npunt, \u00fatkadering en beljochting oangiet, is de kwaliteit hiel wikseljend (sjoch ek Poste restante<\/em> XXXV<\/small><\/a>). Mar de hjir besprutsen fotokaart is in juwieltsje. De anonime fotograaf hat in rustyk sfearbyld skepen, hie in treflik each foar komposysje en drukte de foto hierskerp \u00f4f. In byskrift \u00fbntbrekt, en is ek net nedich: dizze foto is de ferbylding fan in idylle foarby plak en tiid, fan in wetterryk Arkadi\u00eb.<\/p>\n

\"\"<\/a>

\u2018Groet uit Ternaard\u2019. Ljochtdruk, ynkleure. Yn 1915 ferstjoerd oan Oepke en Johanna Hillegonda Noordmans-Oosterhuis troch harren sweager en broer Anne Catharinus Oosterhuis.<\/p><\/div>\n

\"\"<\/a>

\u2018Groet uit Ternaard\u2019. Ljochtdruk, ynkleure. Yn 1915 ferstjoerd oan Frouwke Oosterhuis troch har broer Anne Catharinus Oosterhuis.<\/p><\/div>\n

Soe der in Fryske Huckleberry Finn<\/em> bestean, dan koe dizze foto s\u00e1 op it omkaft. Mar it is fansels net de Mississippi dy\u2019t wy hjir sjogge. It is, sa\u2019t de \u00f4fstjoerster al skriuwt, it kanaal by Suw\u00e2ld, om krekt te wezen it plak w\u00ear\u2019t hjoeddedei it Van Harinxmakanaal oanknopet by it Prinses Margrietkanaal. Suw\u00e2ld hie d\u00ear in opslach, in oanlisplak foar sk\u00fbtsjes foar it laden en lossen fan bygelyks turf en terpierde. In fariant fan \u00fas fotokaart, w\u00earfan\u2019t in eksimplaar yn Tresoar<\/a> bewarre wurdt, hat dan ek as byskrift \u2018Opslag, Suawoude\u2019. Dy opslach lei foar it noch besteande Bakkersh\u00fbs oan de Suderein, dat yn 1814 set waard yn opdracht fan bakker Bouwe Dani\u00ebls van der Meulen<\/a>. Links op de foto is noch in stikje fan dat Bakkersh\u00fbs te sjen.<\/p>\n

It sk\u00fbtsje dat by de opslach leit, mei op it roer it opskrift \u2018GARIJP<\/small>\u2019, wie fan Tamme Wobbes van der Woude (1842\u20131935), sa stiet te l\u00eazen yn Troch de wyn<\/em>, in boek \u00fat 2012 oer oardel ieu sk\u00fbtsjes en skippers. D\u00ear is in oar eksimplaar fan \u00fas kaart yn \u00f4fbylde, dat ek te finen is op in website<\/a> oer de Van der Woudes \u00fat Eastermar en omkriten. Neffens dy site binne de beide mannen op it sk\u00fbtsje Tamme syn soannen Jochum (1882\u20131916) en Andries (1890\u20131954). Jochum \u2013 jong ferstoarn oan tbc \u2013 stiet links n\u00east it roer, Andries stiet rjochts by it swurd.<\/p>\n

\"\"<\/a><\/p>\n

\"\"<\/a><\/p>\n

De tsien oare manlju en jonges op de fotokaart binne net bekend. De \u00f4fstjoerster is dat wol: it wie de tolvejierrige Frouwke Frederika Margaretha Oosterhuis, berne yn 1897 yn Suw\u00e2ld as dochter fan Johannes Oosterhuis, predikant yn Suw\u00e2ld en Tytsjerk, en Rutgerdina van Heyningen Busch Keiser. Frouwke hie fiif bruorren en sussen, \u00fbnder oare Rutger Adolph Benthem Oosterhuis, de Dolf dy\u2019t sy yn har boadskip neamt. Dat boadskip sl\u00fat sy \u00f4f mei \u2018uw liefhebbende Frouw<\/u>ke\u2019, mei in streekje \u00fbnder de w<\/em>, en tusken heakjes foeget sy ta dat se net lulk is. It is in reaksje op de ansicht dy\u2019t sy in dei earder fan har korrespondint \u00fbntfongen hie. Dy kaart toant op de foarkant it noch altyd besteande Hotel De Prins en it fallaat yn Makkum en hat op de achterkant de tekst:<\/p>\n

Beste Frouke.
\nEigenlijk moest ik schrijven Frouw<\/u>ke, niet waar? Maar dan word je boos, en daar ben ik verbazend bang voor! Vele goede wenschen ook voor jou in 1910! Je toegen.
\nO. Noordmans.<\/p>\n

\"\"<\/a>

Oepke Noordmans mei frou en bern yn
Sumar, om 1918 hinne. Oernommen \u00fat
J.D.Th. Wassenaar, Noordmans in Friesland.
Bijdrage tot de biografie van een kerkvader<\/em>,
Zoetermeer 1999.<\/p><\/div>\n

Frouwke har korrespondint wie de letter ferneamde teolooch Oepke Noordmans<\/a>, troud mei Johanna Hillegonda Oosterhuis, in \u00e2ldere suster fan Frouwke. Oepke, berne yn Easterein yn 1871 as soan fan Dirk Noordmans en Gerbrig de Roos, wie fan boerekom\u00f4f. Nei in st\u00fadzje teology yn Leiden en Utert waard er earst d\u00fbmny yn Skuzum en Piaam, d\u00earnei yn Sumar en \u00fateinlik yn it Gelderske Laren. Oepke Noordmans wie in studieus man, dy\u2019t him talei op teology en filosofy, mar literatuer en natuerwittenskip net links lizze liet. Syn kennis en ynsichten joech er troch yn tal fan l\u00eazings en publikaasjes. Geandewei w\u00fbn er oan ynfloed binnen de Nederl\u00e2nsk-Herfoarme Tsjerke en koe er syn gesach benammen yn strideraasjes op it m\u00ead fan tsjerke-oarder en liturgy jilde litte. Noordmans ferstoar yn Lunteren yn 1956.<\/p>\n

As teolooch wurdt Oepke Noordmans rekkene ta de \u2018etyske rjochting\u2019, d\u00ear\u2019t syn learmaster Johannes Hermanus Gunning in liedende figuer yn wie. De \u2018etysken\u2019 woenen \u00fbntkomme oan it dualisme tusken otterdoksy en moderniteit troch de idee fan de persoanlikheid te beklamjen en nei in synteze tusken evangeelje en kultuer te sykjen. Under ynfloed fan Karl Barth naam Noordmans yn letter jierren lykwols in eigen posysje yn. Sintraal yn syn tinken kaam it begryp skepping te stean, net skepping as kreaasje mar skepping as skieding (en dus as oardiel), wat er \u00fatwurke yn syn boek Herschepping<\/em> \u00fat 1934. Yn 1935 krige Noordmans in earedoktoraat fan de Grinzer universiteit. Syn Verzamelde werken<\/em> ferskynden tusken 1978 en 2004 yn alve bannen. De Stichting Dr. O. Noordmans<\/a> freget mei st\u00fadzjedagen, \u2018cahiers\u2019 en in nijsbrief trochgeand omtinken foar syn libben en wurk.<\/p>\n

Achterop de fotokaart tanket Frouwke har learde sweager foar de ansichten dy\u2019t er har tastjoerd hie. Ek dizze kaart hat se weromkrigen. Nei har ferstjerren \u2013 Frouwke rekke wei yn 1977, yn Amsterdam \u2013 waard de kaart tegearre mei oare ansichten dy\u2019t sy libbenslang bewarre hie wer hannelswaar. Under dy ansichten sieten mear bys\u00fbndere eksimplaren, mar net ien sa w\u00fbndermoai as de ikoanyske fotokaart fan it kanaal te Suw\u00e2ld.<\/p>\n","protected":false},"excerpt":{"rendered":"

De opslach by it Bakkersh\u00fbs yn Suw\u00e2ld, \u00b11905\u20131909. Fotokaart, 89\u00d7139 mm. S\u00fbnder fermelding fan in \u00fatjouwer. Poststimpels Harns\u2013Nieuweschans 08-01-1910 en Makkum 08-01-1910. Ferstjoerd oan Oepke Noordmans, Skuzum, troch Frouwke Frederika Margaretha Oosterhuis. Beste Domine Dit is het kanaal te Suawoude … Fierder l\u00eaze →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[284],"tags":[768,769,770,771,772,773,774,775,776,777,778,779,780,781,783],"class_list":["post-12645","post","type-post","status-publish","format-standard","hentry","category-poste-restante","tag-oepke-noordmans","tag-frouwke-frederika-margaretha-oosterhuis","tag-bouwe-daniels-van-der-meulen","tag-tamme-wobbes-van-der-woude","tag-jochum-van-der-woude","tag-andries-van-der-woude","tag-johannes-oosterhuis","tag-rutgerdina-van-heyningen-busch-keiser","tag-rutger-adolph-benthem-oosterhuis","tag-johanna-hillegonda-oosterhuis","tag-dirk-noordmans","tag-gerbrig-de-roos","tag-johannes-hermanus-gunning","tag-karl-barth","tag-anne-catharinus-oosterhuis"],"_links":{"self":[{"href":"https:\/\/www.konsenylje.nl\/index.php?rest_route=\/wp\/v2\/posts\/12645"}],"collection":[{"href":"https:\/\/www.konsenylje.nl\/index.php?rest_route=\/wp\/v2\/posts"}],"about":[{"href":"https:\/\/www.konsenylje.nl\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.konsenylje.nl\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcomments&post=12645"}],"version-history":[{"count":113,"href":"https:\/\/www.konsenylje.nl\/index.php?rest_route=\/wp\/v2\/posts\/12645\/revisions"}],"predecessor-version":[{"id":14933,"href":"https:\/\/www.konsenylje.nl\/index.php?rest_route=\/wp\/v2\/posts\/12645\/revisions\/14933"}],"wp:attachment":[{"href":"https:\/\/www.konsenylje.nl\/index.php?rest_route=%2Fwp%2Fv2%2Fmedia&parent=12645"}],"wp:term":[{"taxonomy":"category","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcategories&post=12645"},{"taxonomy":"post_tag","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Ftags&post=12645"}],"curies":[{"name":"wp","href":"https:\/\/api.w.org\/{rel}","templated":true}]}}