{"id":13496,"date":"2020-02-21T23:00:00","date_gmt":"2020-02-21T22:00:00","guid":{"rendered":"http:\/\/www.konsenylje.nl\/?p=13496"},"modified":"2020-03-22T14:08:33","modified_gmt":"2020-03-22T13:08:33","slug":"poste-restante-xviii-2","status":"publish","type":"post","link":"https:\/\/www.konsenylje.nl\/?p=13496","title":{"rendered":"Poste restante XXVIII"},"content":{"rendered":"

\"\"<\/a><\/p>\n

\u2018SPANNUM<\/small>\u2019 (r.\u00fb.), \u00b11915\u20131922. Fotokaart, 89\u00d7139 mm. S\u00fbnder fermelding fan in \u00fatjouwer. Poststimpel Winsum 29-11-1922. Ferstjoerd oan Hermina Johanna van Oorspronk, Apeldoarn, troch Bernardus van Meer.<\/p>\n

\"\"<\/a><\/p>\n

Spannum, 28 Nov. 1922.
\nWaarde Mina.
\nWat vind ik dat hartelijk van je, dat je het jaarverslag voor mij hebt willen overschrijven en mij zoo de gelegenheid hebt gegeven met de meisjes-vereeniging meede te leven. Van harte zeg ik je daarvoor dank: wees verzekerd, dat ik het verslag met groote belangstelling heb gelezen. God zegene je! Ontvang mijn vriendelijken groet. Je toeg.<\/em> [= toegenegen<\/em>] Do<\/sup>. Van Meer.
\nHet gezicht op deze ansicht is het gezicht, dat ik uit mijn studeerkamer heb.<\/em><\/p>\n

It is de krusing fan twa transportwegen d\u00ear\u2019t de \u00f4fstjoerder fan dizze ansicht op \u00fatsjocht, mar hy hat grif net faak hinder fan rumoer yn it ivich slomjende Spannum. De ophelbr\u00eage links, mei \u2018ANNO<\/small> 1914\u2019 derop, leit oer de Lange Daam, de feart dy\u2019t br\u00fbkt waard foar ferfier mei sk\u00fbtsjes, en ferbynt de Tsjerkebuorren mei de Swachlumerleane. Achter de br\u00eage de kosterij en d\u00ear boppe\u00fat noch in stikje fan de tsjerke, dy\u2019t op in m\u00e2nske terp stiet. Rjochts besiden de Lange Daam in opslach (laad- en losplak) en, yn de bedelte n\u00east de terp, de Lytse Buorren. Yn de fierte rydt krekt in hynder-en-wein \u00fat byld. Op de foargr\u00fbn in kliber benammen jonge Spannumers, dy\u2019t, nee, net nei de man yn de studearkeamer mar nei de fotograaf sjogge. Wa\u2019t dy fotograaf wie, is spitigern\u00f4ch net bekend.<\/p>\n

\"\"<\/a>De man yn de studearkeamer \u2013 syn \u2018eigenlijke levensvertrek\u2019, neffens in freon \u2013 kenne wy wol. Hy h\u00fasmannet yn de pastorij fan de herfoarme gemeente Spannum-Iens, d\u00ear\u2019t er s\u00fbnt juny 1922 d\u00fbmny fan is. As widner is er fan Apeldoarn, syn eardere st\u00e2nplak, nei Spannum kaam, tegearre mei syn h\u00fash\u00e2ldster Gerredina Willemina van Rijssen, dy\u2019t yn Apeldoarn hikke en tein wie. De pastorij, boud yn 1872 yn eklektyske styl, stiet op de fotokaart (makke troch deselde anonime fotograaf as de fotokaart boppe-oan dit blog) dy\u2019t d\u00fbmny en syn h\u00fash\u00e2ldster koart nei harren oankomst yn Spannum stjoerden oan kunde yn Apeldoarn.<\/p>\n

\"\"<\/a>Dy d\u00fbmny is Bernardus van Meer<\/a>, berne yn 1866 yn Amsterdam. Van Meer wist al betiid dat er in betsjinner fan it Wurd wurde woe. It ferhaal wol dat er op it gymnasium in toanielrol wegere mei de wurden: \u2018Ik ben bestemd om eenmaal met het Woord Gods te staan op den kansel en dan behoor ik nu<\/em> niet op de planken!\u2019. As studint teology oan de Amsterdamske Gemeente-Universiteit fielde er him oansprutsen troch otterdokse teologen as Ph.J. Hoedemaker, Ph.S. van Ronkel en J.J. van Toorenenbergen. By de l\u00easte promovearre er yn 1892 cum laude mei it tsjerkehistoaryske proefskrift De synode te Emden, 1571<\/em>.<\/p>\n

\"\"<\/a>

Bernardus van Meer om 1903 hinne<\/p><\/div>\n

Dat proefskrift like de hoopfolle start fan in karri\u00eare as akademikus yn de fuotstappen fan syn promotor, mar Van Meer hie dochs minder stamina ta it skriuwen fan learde boeken as dat er him roppen fielde ta preekjen, kategisearjen en pastorale soarch. Syn lidmaatskip fan de Confessioneele Vereeniging, neidat er efkes sympatisearre hie mei de Dole\u00e2nsje fan Abraham Kuyper, fergrutte syn k\u00e2nsen op in heechlearaarskip allikemin. De Confessioneele Vereeniging wie in modaliteit binnen de Nederl\u00e2nsk-Herfoarme Tsjerke dy\u2019t de belidenis als kearn fan it leauwe seach en frijsinnigens \u00f4fwiisde; de tsjerke moast werom nei de grifformearde \u00fatgongspunten fan f\u00f3ar de Ferljochting. Van Meer hat jierrenlang foarsitter fan dy feriening west en wie boppedat redakteur fan de ferieningsbl\u00eaden Troffel en Zwaard<\/em> en De Gereformeerde Kerk<\/em>.<\/p>\n

\"\"<\/a>Yn 1890 troude Van Meer mei Anna Bartha Regina Lingbeek (1865\u20131911), mei wa\u2019t er trije bern krige. Hy wie predikant yn Meteren (1890), Wijk bij Heusden (1892), Utert (1894), Slijk-Ewijk (1904), Leien (1906) en Apeldoarn (1909), foardat er yn Spannum bedarre. De bern wienen doe al it h\u00fbs \u00fat. Wat socht dizze d\u00fbmny, dy\u2019t grutstedske \u00fatdagings wend wie, yn it godfreezjende greiddoarpke Spannum? R\u00east, tinklik, in plak foar retr\u00eate, no\u2019t syn bestean gl\u00e2ns ferlern hie nei de dea fan syn frou, want d\u00ear hie er it dreech mei. De b\u00e2n mei syn foarl\u00easte gemeente, d\u00ear\u2019t er it langste stien hie en d\u00ear\u2019t syn frou begroeven lei, soe Van Meer lykwols yn st\u00e2n h\u00e2lde, sa\u2019t bliken docht \u00fat de ansichten hjirboppe en \u00fat syn reizen fan Spannum nei Apeldoarn om d\u00ear l\u00eazingen te h\u00e2lden.<\/p>\n

\"\"<\/a>Ek mei minsken \u00fat oare eardere gemeenten hold Van Meer kontakt. De fotokaart hjirn\u00east stjoerde er yn augustus 1925 nei \u00e2lde kunde yn Utert. Opnij de br\u00eage oer de Lange Daam, mar no fan de oare kant, sadat de pastorij yn byld komt. Nettsjinsteande de plechtsteatlike toan dy\u2019t \u00fas d\u00fbmny no ienris like eigen wie as syn prigelige h\u00e2nskrift, sprekt \u00fat it boadskip achterop de ansicht in tadiene hertlikens:<\/p>\n

Spannum, 14 Augs<\/sup> 1925
\nW.V. [= Waarde Vrienden]
\nOp den handdruk van onlangs volge deze als blijk mijner blijvende belangstelling met de bede, dat gij allen moogt welvaren naar lichaam en naar het harte. Al ben ik niet aanstonds in staat te antwoorden op bewijzen van groote sympathie, toch ben ik daarvoor zeer gevoelig. De Heere God zegene u allen met de keur zijner zegeningen in J.C. [= Jezus Christus] en verkwikke U door zijn gemeenschap. Met hart. groeten en met heilbede
\nUw toeg. Do<\/sup> V. Meer.<\/p>\n

\"\"<\/a><\/p>\n

Lang hat Van Meer net yn Spannum stien. Op snein 14 july 1926 krige er yn tsjerke op \u2019e k\u00e2nsel in oerhaal, krekt foardat er foargean soe by it l\u00easte j\u00fbnsmiel. Hy waard nei de pastorij brocht en ferstoar d\u00ear s\u00fbnder dat er wer by kennis west hie. Trije dagen letter waard er yn Apeldoarn by syn frou begroeven. Ek in \u00f4ffurdiging \u00fat Spannum wenne de \u00fatfeart by. Letter dat jier waard der op it gr\u00eaf in (noch besteande) tinkstien<\/a> pleatst, \u00fbntwurpen \u2018in den geest van den overledene, zeer eenvoudig, massief en karaktervol\u2019, neffens de Nieuwe Apeldoornsche Courant<\/em>; \u2018VAN<\/small> VRIENDEN<\/small> UIT<\/small> UTRECHT<\/small>, APELDOORN<\/small> EN<\/small> SPANNUM<\/small>\u2019 stiet derop. Yn 1926 ferskynde der ek in boekje ta syn neitins<\/a>, mei tolve (ekserpten \u00fat) preken en taspraken fan syn h\u00e2n en twa in memoriams. Benammen it earste in memoriam, skreaun troch syn sweager en geastessibbe Casper Andries Lingbeek, l\u00east as in kalvinistyske hagiografy.<\/p>\n

Gerredina van Rijssen ferfear nei de dea fan har h\u00fasgenoat nei Ljouwert en waard d\u00ear pensjonh\u00e2ldster. Yn maart 1928 naam in nije d\u00fbmny syn yntrek yn de pastorij. Ek dy wie swier otterdoks, sa\u2019t doetiids, en noch lang d\u00earnei, needsaaklik wie om yn de herfoarme gemeente Spannum-Iens op de preekstoel te meien.<\/p>\n","protected":false},"excerpt":{"rendered":"

\u2018SPANNUM\u2019 (r.\u00fb.), \u00b11915\u20131922. Fotokaart, 89\u00d7139 mm. S\u00fbnder fermelding fan in \u00fatjouwer. Poststimpel Winsum 29-11-1922. Ferstjoerd oan Hermina Johanna van Oorspronk, Apeldoarn, troch Bernardus van Meer. Spannum, 28 Nov. 1922. Waarde Mina. Wat vind ik dat hartelijk van je, dat je … Fierder l\u00eaze →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[284],"tags":[832,833,834,835,836,837,838,839,840],"class_list":["post-13496","post","type-post","status-publish","format-standard","hentry","category-poste-restante","tag-hermina-johanna-van-oorspronk","tag-bernardus-van-meer","tag-gerredina-willemina-van-rijssen","tag-johan-justus-van-toorenenbergen","tag-abraham-kuyper","tag-anna-bartha-regina-lingbeek","tag-casper-andries-lingbeek","tag-philippus-jacobus-hoedemaker","tag-philippus-samuel-van-ronkel"],"_links":{"self":[{"href":"https:\/\/www.konsenylje.nl\/index.php?rest_route=\/wp\/v2\/posts\/13496","targetHints":{"allow":["GET"]}}],"collection":[{"href":"https:\/\/www.konsenylje.nl\/index.php?rest_route=\/wp\/v2\/posts"}],"about":[{"href":"https:\/\/www.konsenylje.nl\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.konsenylje.nl\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcomments&post=13496"}],"version-history":[{"count":110,"href":"https:\/\/www.konsenylje.nl\/index.php?rest_route=\/wp\/v2\/posts\/13496\/revisions"}],"predecessor-version":[{"id":13820,"href":"https:\/\/www.konsenylje.nl\/index.php?rest_route=\/wp\/v2\/posts\/13496\/revisions\/13820"}],"wp:attachment":[{"href":"https:\/\/www.konsenylje.nl\/index.php?rest_route=%2Fwp%2Fv2%2Fmedia&parent=13496"}],"wp:term":[{"taxonomy":"category","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcategories&post=13496"},{"taxonomy":"post_tag","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Ftags&post=13496"}],"curies":[{"name":"wp","href":"https:\/\/api.w.org\/{rel}","templated":true}]}}