{"id":17096,"date":"2023-02-12T23:00:00","date_gmt":"2023-02-12T22:00:00","guid":{"rendered":"https:\/\/www.konsenylje.nl\/?p=17096"},"modified":"2023-04-14T03:07:23","modified_gmt":"2023-04-14T01:07:23","slug":"poste-restante-xxxix","status":"publish","type":"post","link":"https:\/\/www.konsenylje.nl\/?p=17096","title":{"rendered":"Poste restante XXXIX"},"content":{"rendered":"

\"\"<\/a><\/p>\n

\u2018Groete uit Jubbega\u2019 (l.\u00fb.), \u00b11910\u20131917. Fotokaart, 88×137 mm. S\u00fbnder fermelding fan in \u00fatjouwer. Deitekene Jobbegea 30-09-1917. Poststimpel De Gordyk 01-10-1917. Ferstjoerd oan Sytze Luchtenveld, legerkamp De Bilt, troch Afke van der Meer.<\/p>\n

\"\"<\/a><\/em><\/p>\n

Jubbega 30 September 1917
\nLieve man
\nHet is nu weer zondag nu dachte ik maar een paar letteren weer schrijven nu julie zullen nu noch wel in het kamp zitten denk ik want het weer dat gaat nu noch al tamelijk goed dat nu zullen julie daar wel moeten blijven tot de zesde October. nu man als ge J soms noch een kaartje wild sturen hij heeft zondag zijn verjaardag och dan is het wel eens aardig als men een kaartje ontvangt nu mij dunkt ge zult vandaag ook wel een lettertje schrijven dat verder hartelijk gegroet van u vrouw Afke vd Meer
\np\/a S. Luchtenveld. Jubbega. Friesland.
\nik ben goed gezond en hoop van u ook.
\nnoch vele gr van u vr.<\/em><\/p>\n

Afke van der Meer libbet yn it no. Se skriuwt sa\u2019t se praat, ynklusyf har stopwurdsje nu<\/em>, yn in net hiel r\u00fbtinearre mar dochs moai regelmjittich h\u00e2nskrift. Op snein hat se gelegenheid en skriuw har man Sytze, dy\u2019t foar langere tiid fan h\u00fbs is. S\u00eaft trunet se him om har in letterke werom te skriuwen en om in kaartsje te stjoeren oan \u2018J\u2019, want dy is takom snein jierdei. \u2018J\u2019 is har jongere broer Jacob, dy\u2019t op 7 oktober 1917 ienentweintich jier hopet te wurden.<\/p>\n

Sytze wit no dus mar wat er dwaan moat. Syn libben bestiet op dat stuit nammers inkeld \u00fat it opfolgjen fan oarders. It is mobilisaasjetiid en hy bivakkearret as soldaat by de tredde kompanjy fan it fyftjinde bataljon Landweer Infanterie yn kamp De Bilt by Bilthoven. Sytze, berne yn 1891 yn Koartsweagen, is dan 26 jier \u00e2ld en oardel jier troud mei Afke, berne yn 1890 yn Jobbegea. Bern hawwe sy noch net; yn novimber 1918, as de mobilisaasje \u00f4fr\u00fbn is, sil der in dochterke te wr\u00e2ld komme, Feikje. Letter folgje der noch trije bern.<\/p>\n

\"\"<\/a>Mar safier is it noch net. De fotokaart fan Jobbegea dy\u2019t Afke him stjoert, lit Sytze grif langje nei th\u00fas. Fansels ken er de beide jonges yn de pream op de foargr\u00fbn en de minsken, ien mei in fyts, op de w\u00e2lskant d\u00earachter. De foto is wierskynlik nommen by de Tredde Sl\u00fbs. Wa\u2019t him makke en \u00fatj\u00fbn hat, is net bekend. Fan deselde fotograaf haw ik noch twa oare Jobbegeaster fotokaarten. Ien d\u00earfan, mei huzen oan in feart, in brechje en in geit oan it tsjoar, is net goed te lokalisearjen. De oare toant de Hommedraai, in buertsje by in draaibr\u00eage oer de Skoatterl\u00e2nske Kompanjonsfeart, by wat no de Jochem Alberdawei is. Links op \u2019e foargr\u00fbn twa famkes mei in h\u00fbn; oarekant de feart de winkel anneks bakkerij fan de famylje Van der Zee. Myn eksimplaar fan dy tredde kaart is opnij adressearre oan Sytze Luchtenveld.<\/p>\n

\"\"<\/a>De kaart fan de Hommedraai krijt Sytze \u2013 noch altyd \u00fbnder de wapens, mar yntusken legere yn Naarden \u2013 op 11 febrewaarje 1918 tastjoerd fan syn skoan\u00e2lden Anne van der Meer en Feikje de Groot. De oanhef \u2018Beste Zwager!\u2019 is ferrifeljend; it wurd sweager<\/em> is hjir lykwols br\u00fbkt yn de fer\u00e2ldere betsjutting fan skoansoan. Dochs skriuwe Anne en Feikje de kaart net sels. It is opnij Afke dy\u2019t, wer op in snein, de pinne opnommen hat. Dat blykt inkeld al \u00fat de opmaak: op beide kaartsjes \u00fat 1917 en 1918 is de deitekening oer de hiele bridte fan de skriuwspegel \u00fatsmard en stiet der in kl\u00fatsje \u00f4fslutende wurdsjes op \u2019e kop \u00fbnder it jiertal.<\/p>\n

\"\"<\/a>Ut namme fan har \u00e2lden tanket Afke har man foar de lokwinsk dy\u2019t er syn skoanmem Feikje (sy wie op 4 febrewaarje 57 jier wurden) oer de post stjoerd hie. Kreas dien, Sytze. Ek \u2018J\u2019, broer Jacob, komt wer even te praat. Afke sl\u00fat \u00f4f mei groetnis fan har \u00e2lden en harsels:<\/p>\n

Jubbega 10 Feb 1918.
\nBeste Zwager!
\nMet deze kunnen wij u mededeelen dat moeder haar feliciteerkaart in gezondheid heeft ontvangen nu daarvoor onzen hartelijken dank, nu de tijd schiet al mooi weer op zoodat ge al gauw eens weer thuis kan komen. J komt de vijfentwintigste ook weer thuis. Zijt hiermee hartelijk Gegroet van uw sch[oon]ouders.
\nde beste Groeten van uw vrouw.<\/p>\n

Oer Sytze en Afke, earme minsken yn in earm doarp, is fierders net folle te finen. Yn de milysjeregisters en by harren houlik wurdt Sytze oantsjut as arbeider, by it houlik fan syn dochter Feikje yn 1946 as feeh\u00e2lder. Afke ferstoar yn 1960, Sytze yn 1964. Se lizze begroeven yn Jobbegea.<\/p>\n","protected":false},"excerpt":{"rendered":"

\u2018Groete uit Jubbega\u2019 (l.\u00fb.), \u00b11910\u20131917. Fotokaart, 88×137 mm. S\u00fbnder fermelding fan in \u00fatjouwer. Deitekene Jobbegea 30-09-1917. Poststimpel De Gordyk 01-10-1917. Ferstjoerd oan Sytze Luchtenveld, legerkamp De Bilt, troch Afke van der Meer. Jubbega 30 September 1917 Lieve man Het is … Fierder l\u00eaze →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[284],"tags":[1208,1209,1210,1211,1213,1214],"class_list":["post-17096","post","type-post","status-publish","format-standard","hentry","category-poste-restante","tag-sytze-luchtenveld","tag-afke-van-der-meer","tag-jacob-van-der-meer","tag-feikje-luchtenveld","tag-anne-van-der-meer","tag-feikje-de-groot"],"_links":{"self":[{"href":"https:\/\/www.konsenylje.nl\/index.php?rest_route=\/wp\/v2\/posts\/17096","targetHints":{"allow":["GET"]}}],"collection":[{"href":"https:\/\/www.konsenylje.nl\/index.php?rest_route=\/wp\/v2\/posts"}],"about":[{"href":"https:\/\/www.konsenylje.nl\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.konsenylje.nl\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcomments&post=17096"}],"version-history":[{"count":31,"href":"https:\/\/www.konsenylje.nl\/index.php?rest_route=\/wp\/v2\/posts\/17096\/revisions"}],"predecessor-version":[{"id":17137,"href":"https:\/\/www.konsenylje.nl\/index.php?rest_route=\/wp\/v2\/posts\/17096\/revisions\/17137"}],"wp:attachment":[{"href":"https:\/\/www.konsenylje.nl\/index.php?rest_route=%2Fwp%2Fv2%2Fmedia&parent=17096"}],"wp:term":[{"taxonomy":"category","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcategories&post=17096"},{"taxonomy":"post_tag","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Ftags&post=17096"}],"curies":[{"name":"wp","href":"https:\/\/api.w.org\/{rel}","templated":true}]}}