{"id":4154,"date":"2014-10-25T23:00:05","date_gmt":"2014-10-25T21:00:05","guid":{"rendered":"http:\/\/www.konsenylje.nl\/?p=4154"},"modified":"2025-10-11T15:31:23","modified_gmt":"2025-10-11T13:31:23","slug":"poste-restante-v","status":"publish","type":"post","link":"https:\/\/www.konsenylje.nl\/?p=4154","title":{"rendered":"Poste restante V"},"content":{"rendered":"

\"\"<\/a><\/p>\n

Fantasykaart mei roazen, blaublomkes, maaieklokjes en de namme \u2018Dj Kaspersma\u2019, \u00b11900\u20131902. Blyndruk en kleuredruk yn r\u00f4ze, ljochtblau, grien en goud, 90\u00d7140 mm. De namme mei de h\u00e2n tafoege yn sulveren glitterkes. S\u00fbnder fermelding fan in \u00fatjouwer. Poststimpels Amsterdam [15]-08-1902 en Heech 15-08-1902. Ferstjoerd oan Dieuwke Kaspersma, Heech, troch Ytzen Arema.<\/p>\n

Nu Dj
\nik heb gezien dat u het woord gehouden hebt nu ik stuur u dan ook een ansicht kaart en hoop tevens dat u en u moeder veel pleizier mag hebben
\ngegroet van Y. Arema<\/em><\/p>\n

\"\"<\/a><\/p>\n

Ytzen Arema hie Dieuwke Kaspersma \u00fat Amsterdam wei fansels in moaie topografyske ansichtkaart stjoere kind, mei bygelyks it Paleis op de Dam, de Montelbaanstoer of it Vondelpark. Ytzen hie lykwols in romantysker oanpak. Hy kocht twa ansichtkaarten mei blommen yn soerstokkleuren, liet mei stjerrestof oan de iene de namme fan Dieuwke en oan de oare syn eigen namme tafoegje, en stjoerde beide kaarten tagelyk nei Dieuwke, p\/a Pieter de Vries, \u2018Koperslager te Heeg\u2019, by wa\u2019t sy wierskynlik as tsjinstfaam yn \u2019e kost siet. \u2018Prov Friesland\u2019, skreau Ytzen der foar de wissichheid noch by.<\/p>\n

\"\"<\/a>De kaart mei de namme fan Dieuwke krige op de foarkant noch in lyts berjochtsje mei, wat Ytzen oan port oardel sint ekstra koste. De postsegel is heal \u00f4fskuord, mooglik troch Dieuwke, op siik nei leave wurdsjes fan Ytzen foar har allinne. Skriuwers fan ansichtkaarten ferburgen persoanliker meidielings dy\u2019t oaren as de adressearre net hoegden te l\u00eazen ommers wol faker \u00fbnder de postsegel. Mar Ytzen hie blykber gjin geheim boadskip foar syn Dieuwke, \u00fbnder de segel stiet neat.<\/p>\n

Ytzen hat de kaarten grif kocht en fan nammen foarsjen litten yn syn wenplak Amsterdam. Net folle letter kaam dit type kaarten ek yn Frysl\u00e2n yn \u2019e hannel. Ik haw in steal mei soartgelikense yllustraasje en dekoraasje, mar mei plak- yn stee fan persoansnammen: Abbegea, Aldeboarn, Arum, Bitgummole, Burgum, Dearsum, Deinum, Ferwert, Follegea, It Heidenskip, K\u00fbbaard, Lollum, Menaam, Nijl\u00e2n, Spannum, Starum, Tsjom, Warns, Warten, Wjelsryp, Wommels, Wytmarsum. Ek haw ik der ien mei \u2018Geluk in \u2019t nieuwe jaar\u2019, dy\u2019t ferstjoerd is fan Snits nei Baard.<\/nobr><\/p>\n

\"\"<\/a>De tekst op dy kaarten is der hieltyd troch deselde h\u00e2n op figuerd. De kaarten mei noch l\u00easbere poststimpels blike ferstjoerd te w\u00eazen tusken 1904 en 1906. Mooglik reizige in fertsjintwurdiger of selsstannich negoasjeman Fryske doarpen en stedsjes byl\u00e2ns om dy kaarten, tinklik ymportearre \u00fat D\u00fatsl\u00e2n, oan de pleatslike winkelbaas te sliten en by in bestelling eigenhandich fan tekst te foarsjen. Op kaarten b\u00fbten Frysl\u00e2n bin ik syn h\u00e2nskrift net tsjinkaam.<\/p>\n

\"\"<\/a>It soe noch hast fjouwer jier duorje, mar doe waarden Ytzen en Dieuwke man en frou. Ytzen Arema waard berne op 28 oktober 1882 yn W\u00e2ldsein as soan fan de timmerfeint Sybe Arema en Aaltje Zeilstra. Yn 1892 ferfearen Sybe en Aaltsje mei fjouwer bern nei Amsterdam. Ytzen kaam d\u00ear yn itselde wurk tel\u00e2ne as syn heit: timmerje. Op 19 maaie 1906 troude er op it gemeenteh\u00fbs fan Wymbritseradiel mei Dieuwke Kaspersma, berne op 23 jannewaarje 1883 yn Heech as dochter fan de timmerman Marten Kaspersma en Martsen Visserman.<\/p>\n

\"\"<\/a>Ytzen en Dieuwke wennen nei harren trouwen even yn Amsterdam, setten harren yn 1907 yn Heech del en f\u00eastigen harren definityf yn Amsterdam yn 1910. D\u00ear hawwe se op s\u00e2n ferskillende adressen yn it eastlike diel fan de st\u00ead wenne: Tweede Atjehstraat 2 huis, Eerste Atjehstraat 50 II, Tweede Atjehstraat 47 II, Tweede Atjehstraat 20 II, Zeeburgerdijk 37 III, Voltaplein 31 boven en Voltaplein 51 huis. Se krigen trije bern: Martha (1907), Sybe (1910) en Maarten Cornelis (1919).<\/p>\n

\"\"<\/a>Yn 1923 helle Ytzen in akte foar \u2018nijverheids-onderwijs\u2019 en letter komme wy him tsjin as learaar oan in ambachtsskoalle. Op 11 novimber 1965 kaam er te ferstjerren. Dieuwke bleau oant 1978 ta op it adres Voltaplein 51 huis wenjen en ferkasse doe nei it \u00e2ldereinsintrum De Open Hof oan de Fahrenheitstraat 115. Sy rekke wei op 1 desimber 1980, rom 97 jier \u00e2ld.<\/p>\n","protected":false},"excerpt":{"rendered":"

Fantasykaart mei roazen, blaublomkes, maaieklokjes en de namme \u2018Dj Kaspersma\u2019, \u00b11900\u20131902. Blyndruk en kleuredruk yn r\u00f4ze, ljochtblau, grien en goud, 90\u00d7140 mm. De namme mei de h\u00e2n tafoege yn sulveren glitterkes. S\u00fbnder fermelding fan in \u00fatjouwer. Poststimpels Amsterdam [15]-08-1902 en … Fierder l\u00eaze →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[284],"tags":[333,324,325,326,327,328,329,330,331,332],"class_list":["post-4154","post","type-post","status-publish","format-standard","hentry","category-poste-restante","tag-pieter-de-vries","tag-dieuwke-kaspersma","tag-yntzen-arema","tag-aaltje-zeilstra","tag-marten-kaspersma","tag-martsen-visserman","tag-martha-arema","tag-maarten-cornelis-arema","tag-sybe-arema-1910","tag-sybe-arema-1855"],"_links":{"self":[{"href":"https:\/\/www.konsenylje.nl\/index.php?rest_route=\/wp\/v2\/posts\/4154","targetHints":{"allow":["GET"]}}],"collection":[{"href":"https:\/\/www.konsenylje.nl\/index.php?rest_route=\/wp\/v2\/posts"}],"about":[{"href":"https:\/\/www.konsenylje.nl\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.konsenylje.nl\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcomments&post=4154"}],"version-history":[{"count":138,"href":"https:\/\/www.konsenylje.nl\/index.php?rest_route=\/wp\/v2\/posts\/4154\/revisions"}],"predecessor-version":[{"id":19518,"href":"https:\/\/www.konsenylje.nl\/index.php?rest_route=\/wp\/v2\/posts\/4154\/revisions\/19518"}],"wp:attachment":[{"href":"https:\/\/www.konsenylje.nl\/index.php?rest_route=%2Fwp%2Fv2%2Fmedia&parent=4154"}],"wp:term":[{"taxonomy":"category","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Fcategories&post=4154"},{"taxonomy":"post_tag","embeddable":true,"href":"https:\/\/www.konsenylje.nl\/index.php?rest_route=%2Fwp%2Fv2%2Ftags&post=4154"}],"curies":[{"name":"wp","href":"https:\/\/api.w.org\/{rel}","templated":true}]}}